ကျွန်တော်တို့ နေ့စဉ်စားသုံးနေတဲ့ အစားအစာတွေမှာ ဗီတာမင် D၊ ဗီတာမင် B၊ ဗီတာမင် C၊ ဗီတာမင် A၊ ကယ်ဆီယမ်၊ သံဓါတ်၊ ဖိုလိတ်အက်စစ်၊ ပရိုတိန်းစတဲ့ ခန္ဓာကိုယ်အတွက် အကျိုးဖြစ်ထွန်းစေတဲ့ ဓါတ်ပေါင်းများစွာ ပါဝင်လျက် ရှိပါတယ်။

ဒီတော့ ကျွန်တော်တို့ နေ့စဉ်စားသုံးနေတဲ့ အစားအစာတွေမှာ ပါဝင်တဲ့ ဗီတာမင် A ရဲ့ ကောင်းကျိုးတွေကို တစ်ချက်လောက် လေ့လာကြည့်လိုက်ရအောင်။ ဗီတာမင် A ဓာတ်ကို အသားတွေ၊ အသီးအနှံတွေ၊ နို့နဲ့နို့ထွက်ပစ္စည်းတွေ၊ ကြက်ဥ/ ဘဲဥတွေ၊ ပင်လယ်စာတွေကို စားသုံးခြင်းဖြင့် ရရှိနိုင်ပါတယ်။

• မျက်လုံးကျန်းမာရေးကို ကောင်းမွန်စေခြင်း

ဗီတာမင် A ရဲ့ အဓိကကောင်းကျိုးကတော့ မျက်လုံးကျန်းမာရေးကို ကောင်းမွန်စေခြင်းပဲ ဖြစ်ပါတယ်။ လေ့လာတွေ့ရှိချက်တွေအရ ဗီတာမင် A ပါဝင်တဲ့ အစားအစာတွေကို နေ့စဉ်ပုံမှန် စားသုံးပေးမယ်ဆိုရင် အမြင်အာရုံဝေဝါးခြင်း၊ မျက်ရည်ပူကျခြင်း၊ အသက်ကြီးလာခြင်းကြောင့် မျက်စိဝါးခြင်းစတဲ့ ရောဂါဝေဒနာတွေကို ကာကွယ်ပေးနိုင်မှာ ဖြစ်ပါတယ်။

• အသားအရေကို ဝင်းလက်တောက်ပစေခြင်း

ဗီတာမင် A ပါဝင်တဲ့ အစားအစာတွေကို နေ့စဉ်ပုံမှန် စားသုံးပေးမယ်ဆိုရင် နေလောင်ဒဏ်တွေ၊ အမာရွတ်တွေ၊ အသားအရေ မညီမညာဖြစ်မှုတွေကို သက်သာပျောက်ကင်းစေမှာ ဖြစ်တဲ့အပြင် ဝက်ခြံတွေ၊ တင်းတိပ်တွေ ထွက်ပေါ်ခြင်းကိုလည်း ကာကွယ်ပေးသွားမှာ ဖြစ်ပါတယ်။

• ခန္ဓာကိုယ်ခုခံစွမ်းအားကို မြှင့်တင်ပေးခြင်း

ဗီတာမင် A ပါဝင်တဲ့ အစားအစာတွေကို ပုံမှန်စားသုံးပေးခြင်းဖြင့် ခန္ဓာကိုယ်ရဲ့ ခုခံစွမ်းအားကို မြှင့်တင်ပေးသွားမှာ ဖြစ်တဲ့အပြင် ကလေးငယ်တွေမှာ ဖြစ်ပွားလေ့ရှိတဲ့ ဝမ်းပျက်ခြင်း ဝေဒနာကိုလည်း ကာကွယ်ပေးသွားမှာ ဖြစ်ပါတယ်။

• ကင်ဆာရောဂါဖြစ်ပွားမှုကို ကာကွယ်ပေးခြင်း

လေ့လာတွေ့ရှိချက်တွေအရ ဗီတာမင် A ပါဝင်တဲ့ အစားအစာတွေကို နေ့စဉ်ပုံမှန် စားသုံးပေးမယ်ဆိုရင် ပန်ကရိယကင်ဆာ၊ သားအိမ်ခေါင်းကင်ဆာ၊ ဆီးအိမ်ကင်ဆာဖြစ်ပွားမှုတွေကို ကာကွယ်ပေးသွားမှာ ဖြစ်တယ်လို့ သိရပါတယ်။

• ဝက်သက်ရောဂါဖြစ်ပွားမှုကို ကာကွယ်ပေးခြင်း

တကယ်လို့ ကလေးငယ်တွေမှာ ဗီတာမင် A ဓာတ် လုံလောက်ခြင်း မရှိဘူးဆိုရင် ဝက်သက်ရောဂါ ဖြစ်ပွားနိုင်ပါတယ်။ ဒါကြောင့် ကလေးငယ်တွေမှာ ဖြစ်ပွားလေ့ရှိတဲ့ ဝက်သက်ရောဂါကို ကာကွယ်နိုင်ဖို့ အတွက် ဗီတာမင် A ပါဝင်တဲ့ အစားအစာတွေကို နေ့စဉ်ပုံမှန် စားသုံးပေးသင့်ပါတယ်။

REF: WomansDay