မုန်လာဥနီကို ဟင်းချက်ပြီးတော့ပဲဖြစ်ဖြစ်၊ ပြုတ်ပြီးတော့ပဲဖြစ်ဖြစ်၊ အစိမ်းလိုက်ပဲဖြစ်ဖြစ် စားသုံးလေ့ရှိကြပါတယ်။ ဒီတော့ မုန်လာဥနီကို နေ့စဉ်ပုံမှန်စားသုံးပေးခြင်းကြောင့် ရရှိနိုင်တဲ့ ကျန်းမာရေးဆိုင်ရာ အကျိုးကျေးဇူးတွေကို တစ်ချက်လောက် လေ့လာကြည့်လိုက်ရအောင်။

• အာဟာရဓါတ်ကြွယ်ဝခြင်း

မုန်လာဥနီမှာ ရေဓာတ် ၈၅ ရာခိုင်နှုန်းကနေ ၉၀ ရာခိုင်နှုန်းအထိ ပါဝင်ပြီး ကာဘွန်ဟိုက်ဒရိတ်၊ ပရိုတိန်း၊ ဗီတာမင် A၊ ဗီတာမင် K၊ ဗီတာမင် B6၊ ဘိုင်အိုတင် (Biotin) ၊ ပိုတက်ဆီယမ်စတဲ့ လူ့ခန္ဓာကိုယ်ကို အကျိုးဖြစ်ထွန်းစေတဲ့ ဓာတ်ပေါင်းများစွာ ပါဝင်ပါတယ်။

• အစာကြေလွယ်စေခြင်း

မုန်လာဥနီမှာ အမျှင်ဓါတ် ပါဝင်တာကြောင့် အစာအိမ်နဲ့အူလမ်းကြောင်းစနစ်ကို ကောင်းမွန်ပြီး အစာကြေလွယ်စေပါတယ်။

• ကင်ဆာရောဂါကိုကာကွယ်ပေးခြင်း

မုန်လာဥနီမှာ ခန္ဓာကိုယ်အတွက် အကျိုးဖြစ်ထွန်းစေမယ့် Antioxidants တွေ၊ ဗီတာမင်တွေ၊ သတ္တုဓာတ်တွေများစွာ ပါဝင်တဲ့အပြင် ကင်ဆာရောဂါဖြစ်ပွားမှုကို ကာကွယ်ပေးမယ့် ကာရိုတင်းဓာတ်လည်း မုန်လာဥနီမှာ ပါဝင်ပါတယ်။ မုန်လာဥနီကို နေ့စဉ်ပုံမှန်စားသုံးခြင်းကြောင့် အူမကြီးကင်ဆာ၊ ဆီးကျိတ်ကင်ဆာ၊ ရင်သားကင်ဆာဖြစ်ပွားမှုတွေကို ကာကွယ်ပေးနိုင်မှာ ဖြစ်ပါတယ်။

• နှလုံးရောဂါကိုကာကွယ်ပေးခြင်း

မုန်လာဥနီမှာ နှလုံးရောဂါဖြစ်ပွားမှုကို ကာကွယ်ပေးနိုင်တဲ့ Antioxidants တွေပါဝင်ပါသေးတယ်။ ဒါ့အပြင် မုန်လာဥနီကို နေ့စဉ်ပုံမှန်စားသုံးခြင်းကြောင့် လေဖြတ်ဝေဒနာ ဖြစ်ပွားမှုကိုလည်း ကာကွယ်ပေးနိုင်မှာ ဖြစ်ပါတယ်။

• အမြင်အာရုံကိုကြည်လင်စေခြင်း

မုန်လာဥနီမှာ ဗီတာမင် A ပါဝင်တာကြောင့် အမြင်အာရုံကို ကြည်လင်စေမှာဖြစ်ပြီး ညအခါတွေမှာ အမြင်အာရုံဝေဝါးခြင်းကိုလည်း ကာကွယ်ပေးမှာ ဖြစ်ပါတယ်။

•  အရိုးအဆစ်တွေကိုသန်မာစေခြင်း

မုန်လာဥနီမှာ သတ္တုဓာတ်တွေ ပါဝင်တာကြောင့် အရိုးအဆစ်တွေကို သန်မာစေမှာဖြစ်သလို သွားများကိုလည်း ကြံ့ခိုင်စေပြီး သွားပိုးစားခြင်း ဝေဒနာကို ခံစားရခြင်း မရှိရလေအောင် ကာကွယ်ပေးသွားမှာ ဖြစ်ပါတယ်။ ဒါ့အပြင် မုန်လာဥနီမှာ ပိုတက်ဆီယမ်ဓာတ် ပါဝင်တာကြောင့် အသားအရေကို ခြောက်သွေ့ခြင်း မရှိအောင်လည်း ကာကွယ်ပေးသွားမှာ ဖြစ်ပါတယ်။

 REF: Mr.HealthyFrog