နာနတ်သီးကို စားသုံးရတာ တကယ်ကို အရသာ ကောင်းမွန်တဲ့အပြင် နာနတ်သီးမှာ အာဟာရဓာတ်တွေ၊ ဗီတာမင်တွေ၊ သတ္တုဓာတ်တွေ၊ အန်တီအောက်ဆီဒန့်တွေ (Antioxidants) ကြွယ်ဝစွာ ပါဝင်ပါတယ်။ ဒါကြောင့် နာနတ်သီးကို စားသုံးခြင်းကြောင့် ရရှိနိုင်တဲ့ ကျန်းမာရေးဆိုင်ရာ အကျိုးကျေးဇူးတွေကို အခုလို ဖော်ပြပေးလိုက်ရတာပဲ ဖြစ်ပါတယ်။

• ခန္ဓာကိုယ် ခုခံစွမ်းအားကို မြှင့်တင်ပေးခြင်း

နာနတ်သီးမှာ ဗီတာမင် C ကြွယ်ဝစွာ ပါဝင်တာကြောင့် ခန္ဓာကိုယ်ရဲ့ ခုခံစွမ်းအားကို မြှင့်တင်ပေးနိုင်မှာ ဖြစ်တဲ့အပြင် ဆဲလ်ပျက်ဆီးမှုကို ကာကွယ်ပေးနိုင်တဲ့ အန်တီအောက်ဆီဒန့်တွေလည်း နာနတ်သီးမှာ ပါဝင်ပါတယ်။

• အရိုးအဆစ်များကို သန်မာစေခြင်း

နာနတ်သီးမှာ ပါဝင်တဲ့ ဗီတာမင် C နဲ့မဂ္ဂနီဆီယမ်ဓာတ်တွေကြောင့် အရိုးအဆစ်တွေကို ကြံ့ခိုင်သန်စွမ်းစေမှာ ဖြစ်ပါတယ်။ နာနတ်သီးကို ပုံမှန်စားသုံးပေးခြင်းဖြင့် အမျိုးသမီးတွေမှာ ဖြစ်ပွားလေ့ရှိတဲ့ အရိုးပွရောဂါ ဖြစ်ပွားမှုကိုလည်း ကာကွယ်နိုင်မှာ ဖြစ်ပါတယ်။ 

• ဖျားနာမှုကို ကာကွယ်ပေးခြင်း

နာနတ်သီးကို စားသုံးခြင်းရဲ့ နောက်ထပ် အကျိုးကျေးဇူးတွေကတော့ နှာစီးခြင်း၊ လည်ချောင်းနာခြင်း၊ ချောင်းဆိုးခြင်း၊ ဖျားနာခြင်းတို့ကိုလည်း ကာကွယ်ပေးနိုင်မှာ ဖြစ်ပါတယ်။ ဒါ့အပြင် နာနတ်သီးမှာ Bromelain ပါဝင်မှုကြောင့် ရာသီပေါ် ဖျားနာခြင်းတွေကိုလည်း ကာကွယ်ပေးနိုင်မှာ ဖြစ်တဲ့အပြင် သွေးခဲခြင်းကိုလည်း ကာကွယ်ပေးနိုင်မှာ ဖြစ်ပါတယ်။

• စိတ်ဖိစီးမှုကို လျော့ချပေးခြင်း

နာနတ်သီးမှာ ဗီတာမင် B ပါဝင်တာကြောင့် ဦးနှောက် စွမ်းဆောင်ရည်ကို မြှင့်တင်ပေးနိုင်မှာ ဖြစ်တဲ့အပြင် စိတ်ဖိစီးမှုကိုလည်း လျော့ချပေးနိုင်မှာ ဖြစ်ပါတယ်။

• မျက်စိကျန်းမာရေးကို ကောင်းမွန်စေခြင်း

နာနတ်သီးမှာ ဗီတာမင် C နဲ့ အန်တီအောက်ဆီဒန့်တွေ (Antioxidants) ကြွယ်ဝစွာ ပါဝင်တာကြောင့် အမြင်အာရုံဝေဝါးခြင်း၊ အတွင်းတိမ်ဖြစ်ခြင်း၊ အာရုံကြော အားနည်းခြင်းစတဲ့ ရောဂါတွေ ဖြစ်ပွားမှုကို ကာကွယ်ပေးနိုင်မှာ ဖြစ်ပါတယ်။ ဒါ့အပြင် နာနတ်သီးမှာ ဘီတာကာရိုတင်းဓာတ် (Beta Carotene) ကြွယ်ဝစွာ ပါဝင်တာကြောင့် အမြင်စွမ်းအားကို ကောင်းမွန်စေမှာ ဖြစ်ပါတယ်။

• ကင်ဆာရောဂါ ဖြစ်ပွားမှုကို ကာကွယ်ပေးခြင်း

နာနတ်သီးမှာ ကင်ဆာရောဂါတွေ ဖြစ်ပွားမှုကို ကာကွယ်ပေးနိုင်တဲ့ အန်တီအောက်ဆီဒန့်တွေ ပါဝင်ပါတယ်။ ဒါ့အပြင် နာနတ်သီးကို ပုံမှန်စားသုံးခြင်းဖြင့် ခန္ဓာကိုယ်တွင်း ဆဲလ်များ ပျက်ဆီးမှုကို ကာကွယ်ပေးနိုင်မှာ ဖြစ်ပါတယ်။

• သွေးပေါင်ချိန်မြင့်တက်မှုကို လျော့ချပေးခြင်း

နာနတ်သီးမှာ ပါဝင်တဲ့ ပိုတက်ဆီယမ်က သွေးလည်ပတ်မှုကို ကောင်းမွန်အောင် မြှင့်တင်ပေးနိုင်မှာ ဖြစ်သလို သွေးပေါင်ချိန် မြင့်တက်မှုကိုလည်း လျော့ချပေးနိုင်မှာ ဖြစ်ပါတယ်။

• အစာချေစနစ်ကို ကောင်းမွန်စေခြင်း

နာနတ်သီးမှာ အမျှင်ဓာတ်၊ ဗီတာမင် C နဲ့ Bromelain ဓာတ်တို့ ပါဝင်တာကြောင့် အစာချေစနစ်ကို ကောင်းမွန်စေမှာ ဖြစ်သလို အစာအိမ်နဲ့ အူလမ်းကြောင်းဆိုင်ရာ ရောဂါတွေ ဖြစ်ပွားမှုကိုလည်း ကာကွယ်ပေးနိုင်မှာ ဖြစ်ပါတယ်။

• ဝက်ခြံများကို သက်သာပျောက်ကင်းစေခြင်း

နာနတ်သီးမှာ အသားအရေကို ချောမွေ့စေတဲ့ အန်တီအောက်ဆီဒန့်၊ ဗီတာမင် C နဲ့ Bromelain ဓာတ်တို့ ပါဝင်တာကြောင့် အသားအရေကို နူးညံ့ချောမွေ့စေမှာ ဖြစ်တဲ့အပြင် ဝက်ခြံများကိုလည်း သက်သာ ပျောက်ကင်းစေမှာ ဖြစ်ပါတယ်။

• ဆံပင်ကျွတ်ခြင်းကို ကာကွယ်ပေးခြင်း

နာနတ်သီးအရည်ကို ဦးရေဖျားအပေါ် လိမ်းကျံပေးခြင်းဖြင့် ဆံပင်ကျွတ်ခြင်းကို ကာကွယ်ပေးမှာ ဖြစ်သလို ဆံပင်များကိုလည်း နက်မှောင်သန်စွမ်းစေမှာ ဖြစ်ပါတယ်။

• ပန်းနာရင်ကျပ်ခြင်းကို ကာကွယ်ပေးခြင်း

နာနတ်သီးမှာ ပါဝင်တဲ့ ဘီတာကာရိုတင်းဓာတ် (Beta-Carotene) အနေနဲ့ ပန်းနာရင်ကျပ်ရောဂါ ဖြစ်ပွားမှုကို ကာကွယ်ပေးသွားမှာ ဖြစ်ပါတယ်။ ဒါ့အပြင် နာနတ်သီးကို ပုံမှန်စားသုံးပေးခြင်းဖြင့် ခန္ဓာကိုယ်အတွင်းမှ အဆိပ်အတောက်တွေကို ဖယ်ရှားပေးသွားမှာပဲ ဖြစ်ပါတယ်။

REF: LifeHack